Skemmtilegast að versla í Hagkaupum

Í hvaða heimi lifir Sóley Tómasdóttir? ÞAÐ ER MUNUR Á MILLI KYNJANNA! Konum finnst almennt skemmtilegra að versla en körlum. Oftast eru það karlmenn sem verða órólegir í löngum verslunarferðum á meðan konurnar vilja vera lengur. Þannig skapast spenna á milli þeirra. Hagkaup hefur skapað umhverfi sem leysir vandamálið og parið er sátt. Það skín í gegnum athugasemdir Sóleyjar að hún, sem ,,feministi" vill ekki jafnræði heldur yfirburði kvenna. Það örlar á óbeit í garð karla. Flestir ef ekki allir karlar vilja jafnrétti kynjanna. Það eru hópar á borð við ,,feminista" sem vilja skilja á milli karla og kvenna og skapa ójafnvægi. Finna sér eitthvað þarft að gera!

Doktorar

Pabbar í pössun í Hagkaupum

Athugasemdir

[Ævar Gunnarsson (IP-tala skráð) 29.11.2007 kl. 11:18]

Það er ekki að ástæðulausu að íslendingum þykir skemmtilegast að versla í Hagkaup.

[Ágúst Guðbjörnsson (IP-tala skráð) 29.11.2007 kl. 11:36]

Gæti ekki verið sammála þessari grein, í nánast öll þau skipti sem koma fram greinar á borð við þessa þá fá karlmenn neikvæða umræðu frá ræðumönnum feminista.

Ég t.d hef lítinn áhuga á því að skoða þá hluti sem konunni þykir hvað mest spennandi í þessum búðum og getur eytt tímunum saman í að ganga hring eftir hring, alveg eins má bera það saman við boltann sem henni þykir lítið varið í. Ekki neyði ég hana að sitja mér við hlið og horfa á 2 tíma leik sem hún hefur lítinn áhuga á.

Þá finnst mér það hið besta mál að þurfa ekki að skima í framtíðinni eftir litlum stól í einhverju horninu eftir að hún hefur klárað kaupin í ró og næði.

[Quackmore, 29.11.2007 kl. 12:59]

Íslendingum finnst líka skemmtilegast að versla í Verkfæralagernum, eða Eymundsson - Austurstræti, eða IÐU, og áreiðanlega mun víðar. Það fer bara eftir því hvaða Íslendinga vísað er í hverju sinni.

Mér finnst t.d. ekki skemmtilegast að versla í Hagkaupum, og ekki dytti mér í hug að leggja leið mína þangað til þess eins að geta setið fyrir framan sjónvarp svo ég þyrfti ekki að vera að versla þar. 

[Nanna Katrín Kristjánsdóttir, 29.11.2007 kl. 16:16]

Sko sjáum bara hvort herbergið virkar og ef það er alltaf fullt er greinilega þörf fyrir það.

[Gísli Ásgeirsson, 1.12.2007 kl. 10:03]

Velkominn á listann

[Steinn Hafliðason, 1.12.2007 kl. 20:04]

Segið þið mér, hver segir að þetta sé horn fyrir karlmenn? Ekki mátar konan fötin fyrir karlana sína.